Si prodhohet
Nga shiriti i çelikut te gypi i testuar
Gypi i salduar në spirale formohet nga një shirit i vetëm çeliku. Kjo është rruga që bën në fabrikën e IMK në Ferizaj, hap pas hapi.
Procesi
Tetë hapat e prodhimit
- 01
Shiriti i çelikut
Rrotulli i çelikut hapet dhe shiriti drejtohet para se të hyjë në linjë. Marka e çelikut zgjidhet sipas standardit të projektit.
- 02
Përgatitja e skajeve
Skajet e shiritit përpunohen që tegeli i saldimit të dalë i njëtrajtshëm në gjithë gjatësinë.
- 03
Formimi spiral
Shiriti mbështillet në spirale me një kënd të caktuar. Këndi përcakton diametrin e gypit.
- 04
Saldimi brenda dhe jashtë
Tegeli spiral saldohet nga brenda dhe nga jashtë, ndërsa gypi formohet pa ndërprerje.
- 05
Prerja në gjatësi
Gypi i vazhdueshëm pritet në gjatësinë që kërkon projekti.
- 06
Kontrolli me ultratinguj
Tegeli kontrollohet automatikisht me ultratinguj, pastaj bëhet kontrolli vizual nga jashtë dhe nga brenda.
- 07
Prova hidraulike
Gypi mbushet me ujë dhe testohet me presion deri në 211 bar, sipas standardit. Pas provës kontrollohen skajet.
- 08
Veshja dhe laboratori
Sipërfaqja pastrohet deri në Sa 2½ dhe vishet nga brenda e nga jashtë. Mostrat testohen mekanikisht dhe kimikisht në laborator.
Pse spirale
Një shirit, shumë diametra
Te gypi spiral, diametri nuk varet nga gjerësia e shiritit, por nga këndi i formimit. Prandaj me të njëjtin shirit prodhohen gypa me diametra të ndryshëm.
Lidhja gjeometrike
D = B / (π · sin β)
- D — diametri i gypit
- B — gjerësia e shiritit
- β — këndi i tegelit ndaj prerjes tërthore
Shembull me shirit B = 1500 mm
| Ø 1016 mm | β ≈ 28° |
|---|---|
| Ø 1422 mm | β ≈ 19,6° |
| Ø 2032 mm | β ≈ 13,6° |
Shembull ilustrues. Parametrat realë të linjave të IMK i përcakton ekipi teknik.
Keni një projekt me gypa ose strukturë çeliku?
Na dërgoni specifikimin — diametrin, gjatësinë, standardin ose vizatimet — dhe ekipi teknik ju kthen përgjigje.
ose telefononi+383 45 800 804